De Weekend war et dat definitiv mat de spéitsummerlechen Temperaturen. Et gëtt ëm gutt 10 Grad méi kal.
De Weekend mecht sech den ugekënnegte Wiederëmschwong eréischt esou richteg bemierkbar. D’Reewarscheinlechkeet ass däitlech méi héich wéi an de leschten Deeg, d’Sonn kënnt sech net méi esou oft weisen, de Wand ass méi aktiv an eis Temperature wäerten ëm 10 Grad méi déif leie wéi mir et bis ewell gewinnt waren.
Freiden, 25. September 2020
De Freidemoien ass den Himmel meeschtens wollekeg, d’Temperature leien tëscht 5 an 10 Grad. Et kann zu liichte Nidderschléi wéi z.B Niwwel kommen. Am Virmëtte klammen d’Temperaturen op 8 bis 12 Grad erop, et ass weiderhi meeschtens gro an och naass. Mëttes an am Nomëtte gi Maximaltemperature vun 8 bis 14 Grad areecht, de Wand bléist schwaach bis zäitweis awer spierbar aus Westen. An de Spëtzten ass e mat 45 km/h ënnerwee. Et bleift bedeckt, ëmmer rem kann et reenen. Och mol en Donnerwieder ka net ausgeschloss ginn. Um Owend an an der Nuecht ginn d’Temperaturen op 9 bis 5 Grad zréck, et bleift bedeckt a naass.
