De Weekend gerode mir erëm e bëssen ënner Héichdrockafloss. Nieft de méi décke Wolleke ka sech d’Sonn weise kommen, de Reen ass éischter rar.
De Weekend iwwer leie mir Ufanks nach ënnert enger nordëstlecher Stréimung, ier dës am Laf vun den Deeg virdéischt op Nord a spéiderhin op Nordwest dréint.
Freiden, 16. Oktober 2020
De Freidemoien ass et meeschtens wollekeg, dobäi kann et zu liichte Nidderschléi kommen. Haaptsächlech am Südoste vum Land ass d’Warscheinlechkeet vun enger eenzelner Schauer present. D’Temperature leien tëscht 4 an 8 Grad a klammen am Virmëtten op 6 bis 9 Grad erop. Et ass mat kenger all ze grousser Ännerung ze rechnen. Mëttes an am Nomëtte gi Maximaltemperature vu 7 bis 12 Grad areecht, de Wand bléist schwaach bis zäitweis spierbar aus Nordosten. An de Spëtzten ass e mat 40 km/h ënnerwee. Et gëtt no a no manner gro, dotëscht ka sech och mol d’Sonn weise kommen. Um Owend an an der Nuecht gëtt et erëm méi gro, dat duerch Wolleke mee och eenzel Niwwelfelder. D’Temperature ginn op 6 bis 3 Grad zréck.
