Muer um Samsden zéie wuel nach e puer Wolleken duerch, deemno wéi kann déi eng oder aner dovun och e bësse méi kompakt ausfalen. Trotzdeem sollt et dobäi awer dréche bleiwen an d’Sonn kënnt sech och weisen. D’Temperature starten um Moie bei tëscht 10 a 15 Grad an erreechen am Nomëtten e Maximum vun tëscht 21 a 26 Grad.
De Sonnden ass et vun Ufank un zimmlech sonneg, et zéie just e puer eenzel Wolleken duerch. Um Moie leien d’Temperaturen tëscht 12 a 15 Grad a klammen am Laf vum Nomëtten op Maximalwäerter vun erëm 21 a 26 Grad. Reen ass keen ze erwaarden.
Wat déi nächst Woch betrëfft, soll de reen-fräien Héichdrockafloss mol nach bis de Mëttwoch unhalen. Et gëtt bis dohin och erëm méi waarm, 30 Grad an driwwer si méiglech.
