Vum Samsdenowend un huet ëmmer méi en Déif, wat mat sengem Kär iwwert dem Atlantik läit, seng Fanger am Spill. Duerch d’Positioun vun dësem Déif an en Héichdrockafloss iwwert dem Oste vum Kontinent ginn erëm méi waarm Loftmassen aus Afrika an eis Géigenden transportéiert.
Freiden, 06. November 2020
De Freidemoien ass et méi oft gro duerch méiglech Niwwelfelder, d’Temperature leien tëscht -1 a 5 Grad aklammen am Virmëtten op 5 bis 7 Grad erop. De Niwwel sollt sech erëm lues a lues opléisen, ier d’Sonn erëm rauskënnt. Mëttes an am Nomëtten ass mat Maximaltemperature vun 10 bis 13 Grad ze rechnen, de Wand bléist schwaach bis zäitweis spierbar aus Ost-Südosten. An de Spëtzten ass e mat 35 km/h ënnerwee. Um Owend an an der Nuecht ginn d’Temperaturen op e Minimum vu 4 bis -2 Grad zréck, plazeweis kéint et erëm glat ginn. Den Himmel ass ufanks kloer, spéiderhi kënnen erëm Niwwelfelder dobäikommen.
