De Weekend iwwer gerode mir ënner liichten Héichdrockafloss, wouduerch et dagsiwwer mol net méi grad sou gro ass. An de Nuechte ginn d’Temperaturen e gutt Stéck zréck.
fir d’lescht aktualiséiert: Donneschden, 08. September 2020 – 20:05 Auer
De Weekend kréie mir et mat net esou déifdrockdominantem Wieder ze dinn, wéi mir et elo schonn eng gutt Zäit hunn. Mir geroden ënner liichten Héichdrockafloss, duerch deen et net méi grad esou oft reent. Och déi déck Wolleke ginn e bësse méi dënn a lossen och mol méi sonneg Momenter zou. An de Nuechte kann déi méi dënn Wollekendecken dozou féieren, dass et plazeweis nawell gutt ofkille kann.
Freiden, 09. Oktober 2020
De Freidemoien ass et staark bedeckt an et reent, d’Temperature leien tëscht 10 a 14 Grad a klammen am Virmëtten op 11 bis 15 Grad erop. Et bleift bedeckt a naass. Mëttes an am Nomëtte gi Maximaltemperature vun 13 bis 16 Grad areecht, de Wand bléist schwaach bis liicht spierbar aus West- Südwesten. An de Spëtzte si 35 km/h ze erwaarden. Et sinn ëmmer nach eng ganz Partie déck Wolleken ënnerwee, déi eis weiderhi Reen bréngen. Um Owend an an der Nuecht ginn d’Temperaturen op 10 bis 6 Grad zréck, et gëtt ëmmer méi dréche mee et bleift wollekeg.
