Grousswiederlag
Bis de Mëttwoch leie mir tëscht Déifdrockafloss iwwer Polen bis erof an d’Alpen & héijem Loftdrock westlech vun de britteschen Inselen. Doduerch ginn eis ëmmer nach kill a polar Loftmassen aus dem héije Norden zougespillt, wat de Wanter zu Lëtzebuerg bleiwe léisst. All ze grouss Nidderschlagsquantitéiten, déi theoretesch als Schnéi erofkomme kéinten, sollt et awer net méi ginn – mee do kënnt et ëmmer erëm zu gréissere Schwankungen. An der zweeter Wochenhallschent kéint dann en Déif, wat vu Portugal hier a Richtung Frankräich gezu kënnt, d’Haaptroll iwwerhuelen. Sou wéi d’Modeller et de Moment gesinn kann et duerch dëst Déif a Richtung Weekend op mannst mol kuerzzäiteg méi mëll ginn.
De viraussiichtleche Verlaf
De Méinde starte mir mat ville Wolleken an déi nei Woch eran. No Fréitemperature vun tëscht -2 an 2 Grad ginn dagsiwwer 0 bis 4 Grad areecht. De Wand bléist an de Spëtzten zäitweis spierbar aus Ost-Nordosten, an de Spëtzten ass e mat 30 km/h ënnerwee. Duerch déi vill Wolleken ass zäitweis mat schwaache Nidderschléi a Form vu Schnéireen a Schnéi ze rechnen, d’Temperature packen et op e Maximum vu 0 bis 4 Grad. Och um Dënschde bleift et déi meescht Zäit gro, ëmmer erëm sinn, genee wéi um Méinden, schwaach Nidderschléi a Form vu Schnéireen oder Schnéi méiglech. Den Thermometer klëmmt net iwwer -1 bis 3 Grad. Um Mëttwoch erwaart eis bei -1 bis 3 Grad keng gréisser Ännerung, besonnesch um Owend soll et erëm kënnen zu schwaache Nidderschléi kommen.
Duerno weiderhin oft wollekeg
An der zweeter Wochenhallschent bleift et gréisstendeels wollekeg, mee et sollt méi dréche bleiwen. D’Temperature packen et den Donneschden op -1 bis 2 Grad, genee wéi och um Freiden. Déi zwee Deeg si bal identesch, eng kleng Ännerung gëtt et eréischt um Samsden erëm. -1 bis 2 Grad ginn areecht, eenzel Schnéischauere si méiglech. Um Sonnden ass dann erëm e gréissere Kontrast net auszeschléissen, do soll sech d’Sonn mol erëm besser kënnen duerchsetzen. D’Temperature klammen op 0 bis 3 Grad.