Demnächst markanten Temperaturstuerz

De Weekend ass a Mëtteleuropa e markanten Temperaturréckgang ze erwaarden – d’Werter kënnen zu Lëtzebuerg ëm 10 bis 15 Grad faalen, an den Alpen ass plaatzeweis souguer mat Schnéifall ze rechnen.

Bis de groussen Temperaturstuerz kënnt, geet et awer mol nach gréisstendeels frëndlech virun. Um Mëttwoch wiessle sech Sonn a Wollécken of, dobäi besteht nëmmen e minimale Risk vu Schaueren. D’Wahrscheinlechkeet ass soumadde sou niddrëg, dass et éichter net naass gi wärt. D’Temperature packen et plaatzeweis nachengkéier an den héichsummerlëche Beräich, am Süde kënne Werter vun 31 Grad ereecht ginn, laanscht d’Musel ass och mol e Grad méi net auszeschléissen. Am Norden ass mat summerlëche 27 Grad ze rechnen.

Den Donnëschde kënnt d’Saach lues a lues e bessen un d’Wacklen: Et gëtt méi onbestännëg, wouduerch vun de fréie Nomëttesstonnen un d’Wahrscheinlechkeet vu lokal begrenzte Schaueren an Donnerwiedere klamme wärt. Net jiddereen wärt dovunner betraff sinn, mee do wou eppes eroofkënnt, kann de Wand spierbar opdréinen an de Reen méi staark ausfaalen. D’Temperaturen ereeche nachengkéier 23 bis 28 Grad.

An der Nuecht op de Freide geet de Risk vu Schaueren an Donnerwiedere rem vir eng Zäitchen zréck, d’Temperature faalen op e Minimum vu 14 bis 11 Grad am Norde vum Land. An der Südhalschend ass mat 16 bis 13 Grad ze rechnen. Am Laaf vum Freide klëmmt de Nidderschlagsrisk op e Neits.

Um Freide fléissen aus nördleche bis nordwestleche Richtungen däitlech méi kill Loftmassen op Lëtzebuerg. Doduerch wärten d’Werter bei eis um Buedem a nächster Zäit och däitlech zréckgoen.

Um Freide selwer faalen d’Werter nach net esou wäit: Et si 17 bis 22 Grad ze erwaarden, dobäi ass et déi meecht Zäit wolléckeg an d’Sonn mecht sëch rar. De Wand bléist schon e bësse méi frësch aus West-Nordwesten an ereecht Spëtzte vu 45 km/h. Bei de ville Wollécke kann et och ëmmer rem zu eenzelne Schauere kommen, och Donnerwiedere kënne lokal begrenzt net ausgeschloss ginn.

Markant gëtt et virun allem de Samsden: D’Temperaturen ereechen aktuelle Modellrechnunge no am Norden nach héchstens 11 bis 14 Grad, am Süden ass mat 14 bis 16 Grad ze rechnen. Am grousse Ganze ginn d’Temperaturen also ëm eppes méi wéi 10 Grad zréck. Et zéie vill Wollécken duerch, dobäi kënnt et och rem zu lokale Schaueren.

Kuckt een op den aktuelle GEFS Ensemble, da soll et vum Sonndën un scho rem an d’Luucht goen mat den Temperaturen. Bis zu 18 Grad sinn da rem méigleg, an den Deeg drop kéinte sech d’Werter rem a Richtung Summer beweegen. Aus aktueller Siicht gesinn erwaart eis keng gréisser Hëtzt méi, mee Summerwieder, waat vir dës Joereszäit normal ass.

Waat d’Nidderschléi ugeet schéngt d’Wahrscheinlechkeet dofir vun der neier Woch un rem zréckzegoen. Et muss een also dovunner ausgoen, dass et nach eng Zäit ze drëche vir d’Joereszäit viru goe wärt.