Op der Grafik gesidd Dir d’Grousswiederlag um Donneschden, déi awer och de ganze Rescht vun der Woch net vill aneschters ass. Iwwert dem Atlantik ass haaptsächlech déiwe Loftdrock ze fannen, iwwerdeems iwwert dem Oste vum Kontinent héije Loftdrock dominéiert. Duerch des Konstallatioun gi waarm Loftmassen aus dem Süden/Mëttelmierraum an eis Géigende geschëppt, wat och de Grond fir déi momentan ze héich Temperaturen ass. Den Dag vun haut, also den Dënschde, gëtt viraussiichtlech souguer de wäermste vun der Woch a soll op d’Moyenne bezunn 8 bis bal 10 Grad ze waarm ausfalen.
Eng méi oder manner héich Temperaturanomalie ass och nach bis an déi nächst Woch eran ze erwaarde, sollt sech awer wéi et ausgesäit Enn Dezember neutraliséieren an da kéint dat ganzt an de negative Beräich kippen. Virdéischt géif dat awer heeschen, dass d’Wahrscheinlechkeet vu wäisse Chrëschtdeeg weiderhi niddreg bis geréng sinn.
