Mat deem gesot, ass den amerikanesche Wiedermodell GFS bis den Mëttwochowend spéit grad emol mat tëscht 4 an 10 l/m² dobäi, iwwerdeems den ECMWF mat änlechen 7 bis knapp 15 l/m² ënnerwee ass. Deen Dag, un deem et awer am meeschte reene sollt, ass dem aktuelle Stand no de Freiden an deemno wéi och de Samsden. Déi aner Wäerter mat abegraff, wier de GFS mat am ganzen 35 bis 60 l/m² Reen dobäi, den europäeschen ECMWF esouguer mat bis ëm 75 l/m² oder méi.
Aner Modeller gesinn dat Ganzt nach e bësse méi entspaant, mee zesumme mam kräftege Wand versprécht et eng richteg ongemittlech Woch ze ginn.