E Koup Déifdrockgebitter wärten de Weekend an ufanks der nächster Woch iwwert dem Mëttelmier zirkuléieren. Dës kënne groussflächëge Staark- an Dauerreen ausléisen, wouduerch d’Gefor vu weidere schwéieren Iwwerschwemmunge klëmmt. De Wiedermodeller no si bis den Ufank vun der neier Woch Reequantitéite vun 100 bis lokal 500 l/m² méigleg.
Betraffe Géigenden
(Hinweis: An de genannte Géigende fällt net iwwerall d’selwecht vill Reen. Dëst ass nachengkéier vu lokale Bedingungen ofhängeg. Déi genannte Werter treffe meechtens just lokal zou.)
- Den äußerste Norde vun Italien (Alperand an Alpen usëch):Et muss groussflächëg mat Nidderschlagsquantitéite vun iwwer 100 l/m² gerechent ginn. Méi wäit südlech vun den Alpen kënne mat Pech iwwer 300 l/m² Reen bis de Méindenowend/Dënschdemoien zesummekommen.
- Kroatien:Laanscht d’Küsteregioune muss mat lokale Reequantitéite vun iwwer 100 l/m² gerechent ginn. Iwwerschwemmunge sinn och hei méigleg.
- Genua an Ëmgéigend: An der Ëmgéigend vu Genua, inklusiv der Küsteregioun, ass mat Waasserquantitéite vu bis zu 200 l/m² ze rechnen. Iwwerschwemmunge sinn ze erwaarden.
- Roum an Ëmgéigend: Leider schéngt och Roum rem eng ganz Partie Reen ofzekréien. Am Beräich vun do bis eroof op Benevento kann et rem zu 150 l/m² kommen.
- Sizilien: Staark- souwéi Dauerreen si méigleg, bis zu 100 l/m² kënnen eroofkommen.
