An et geet virun: Haut um Samsde waren erëm méi zolitt Onwieder iwwert dem Mëttelmier ënnerwee. Dës Kéier si besonnesch Deeler vu Griicheland betraff.
Titelbild: Costas Metaxakis / AFP
Kreta schwéier getraff
Den Dag vu gëschter war en immens onrouegen fir Deeler vu Griicheland: virun allem op Kreta ass et zu massiven Iwwerschwemmunge komm, wat leider net ouni weider Konsequenzen iwwer d’Bühn gaangen ass. E 50 Joer ale Mann ass vun de Waassermasse matgerappt ginn an ass ëm d’Liewe komm – weider Persoune gi vermësst, esou déi lokal Medien.
An area of low pressure in the Eastern Mediterranean brought torrential rain and flooding to parts of Crete on Friday and Saturday. pic.twitter.com/quXsGemZSY
— BBC Weather (@bbcweather) October 15, 2022
Dat schrot Wieder hat och en Afloss op de Fluchverkéier: wéi eng Schutzmauer duerchgebrach ass, sinn d’Start- a Landepisten vu Matsch a Waasser iwwerflut ginn. De Fluchhafen ass demno ganz gespaart ginn.
Flash flood hit in the Greece.#Greece #Floods #Crete #FlashFloods #Flooding #Viral #Weather #Climate #Κρήτη #πλημμύρα #Ελλάδα #lluvias #Cσητεία #κακοκαιρία #πλημμύρεςhuvas pic.twitter.com/tXRc78PAFN
— Top Disaster (@Top_Disaster) October 15, 2022
Et huet deelweis tëscht 50 an 100 l/m² a kuerzer Zäit gereent – dofir verantwortlech war dat selwecht Déifdrockgebitt, wat och den Donneschden iwwer Süditalien fir massive Schued an Iwwerschwemmunge gesuergt hat.