Dofir steet de Culture Forest Festival! De lokale Line Up vun dësem Joer ass och erëm gutt erausgesicht, mat dobäi si Nimm wéi Schëppe Siwen, De Läb, Zero Point Five, Tali, Don Piano a Marcy. A wann den Honger bis kënnt, sinn déi sëlleg Food Trucks um Festival fir Iech do – mee denkt drun: de Festival ass Cashless!

Wann de Festival um 17 Auer ugeet, dann ass den Himmel amgaangen, lues a lues manner wollekeg ze ginn. D’Warscheinlechkeet vu Nidderschléi ass och zimmlech geréng a wäert am Laf vum Owend och nach ëmmer weider zréckgoen. D’Temperature leien am Ufank bei 18°C, falen bis 19 Auer op tëscht 16 a 17°C. Bis 21 Auer beweege mir eis lues a lues op d’14 bis 15° duer – lues a lues kann een also iwwert e méi décke Pullover oder eng dënn Jackett nodenken. Bis 23 Auer ass e Réckgang op 11 bis 14°C denkbar, kuerz no Mëtternuecht wiere nach knapp iwwer 10°C dran. A wéi gesot: Am Laf vun de Stonne gëtt den Himmel och ëmmer méi kloer.

Engem flotten Owend mat viller gudder Laun a guddem Wieder steet also näischt méi wierklech am Wee. Vill Spaass!

SkyWatch

Radar & aktuell Hiweiser a Warnungen