Zweete staarken Hurrikan an Zäit vun zwou Wochen
Den Hurrikan IOTA ass den zweete staarken Hurrikan, deen an Zäit vun zwou Wochen am Nicaragua wäert u Land goen. En huet sech an Tëschenzäit an en Hurrikan vun der fënnefter an héchster Kategorie op der Saffir-Simpson Skala verstäerkt a produzéiert an der Moyenne Wandvitesse vun 257 km/h. Vun den Hurricane Hunters vun der NOAA goufen Orkanstéiss vun 314 km/h festgestallt. Dem National Hurricane Center no soll sech de Stuerm net méi weider ofschwächen an esou an der kommender Nuecht knapp südlech vu Puerto Cabezas u Land goen. Nieft dem extremem Wand sinn och extrem Reequantitéite vun iwwer 250 l/m² an Zäit vu 24 Stonnen ze erwaarden, wéi och eng 4 bis 7 Meter héich Stuermflut.
Dësen Artikel ass en Update vum Artikel iwwert de Stuerm vun haut de Moien.
