E Meteorstroum, deen ëmt e Villfaches méi markant ass wéi beispillsweis deen vun de Perseiden? Wëssenschaftler no ass dëst an dëser Nuecht méiglech, mat potenziell iwwer enger Dosen Stäreschnäizen an der Sekonn. Ausléiser ass de Koméit 73P/Schwassmann-Wachmann, deen am Joer 1995 virun den Aen vun de Wëssenschaftler zerbrach ass. Tëscht 2001 an 2006 sinn dës Stécker a weider Stécker zerbrach, et hu sech riseg Stëbswolleken forméiert. An dëser Nuecht kéint d’Äerd duerch genee dës Wolleken aus iwwerreschter vum Koméit fléien, wat en extrem spektakuläert Event erméigleche géif.
D’Saach ass just, dass et net genee sécher ass. Dofir gëtt vun engem “alles oder näischt”-Event geschwat. Déi aner Meteorstréim, wéi eben d’Lyriden oder Perseiden, sinn schonn zanter laanger Zäit bekannt a loosse sech dohier vun hirer Frequenz hier gutt viraussoen. Dëst ass e vergläichweis jonkt an aussergewéinlecht Event, wat dozou féiert, dass genee Ofschätzungen dozou net wierklech méiglech sinn. Sou wéi d’NASA matdeelt, mussen d’Partikelen éischtens an déi richteg Richtung katapultéiert si ginn. Dat anert ass, dass wann se bei der Fräisetzung vum Koméit net méi séier wéi 350 km/s waren, näischt dovun op der Äerd wäert ukommen. Et gëtt also immens spannend.