Hurrikan NORMA verstäerkt sech
Déi duerchschnëttlech Wandvitesse vum NORMA bedréit de Moment nach ëm 195 km/h, an de Spëtzten schonn iwwer 200 km/h. Et ass en Hurrikan vun der drëtter Kategorie op der Saffir Simpson-Skala. E läit nëmme knapp westlech vu Mexiko an zitt a Richtung Norden. Et ass ze erwaarden, dass en an der Nuecht op e Sonnden zu Cabo San Lucas ukënnt. Bis dohin variéiert seng Intensitéit awer nach e puer mol méi staark.
Spéitstens fir haut den Owend rechent de National Hurricane Center domat, dass sech de NORMA an en Hurrikan vun der zweethéchster, also véierter Kategorie verstäerkt. D’Wandvitesse leien dann bei duerchschnëttlechen 215 km/h, iwwerdeems d’Spëtzten 240 km/h a méi erreechen. Vum Freiden un ass mat enger liichter Ofschwächung ze rechnen, e gëtt viraussiichtlech erëm eng Kategorie erofgesat. Vum Freidenowend u sollt e säi Status als “Major Hurricane” verléieren, bis de Weekend schwächt e sech op déi éischt Kategorie of. Beim u Land treffe kéint en esouguer mat Chance just nach en Tropestuerm sinn mat gemëttelte Wandvitesse vun tëscht 75 an 110 km/h.
