Hurrikan vun der zweeter Kategorie erwaart
De momentane Prognose vum National Hurricane Center no soll de Stuerm de Sonndenowend als Hurrikan vun der zweeter Kategorie op der Saffir Simpson-Skala a Mexiko u Land goen – fir genee ze sinn südlech vun Teacapán.
Ier et awer esouwäit ass, muss de Stuerm mol nach zu engem Hurrikan ginn… dat soll fréistens de Samsdemoie geschéien. Vun do aus verstäerkt sech d’ROSLYN dann virun a soll de Sonndemoien déi zweet Kategorie erreechen. An der Moyenne ass de Wand dann mat 155 km/h ënnerwee, an de Spëtzten däitlech driwwer. An der Nuecht op de Méinde gëtt mam Landfall a Mexiko gerechent: dat net nëmme mat zolittem Wand mee och mat massivem Reen. Tëscht 200 a 400 l/m² gi berechent.