Bis den Owend: Wiederwarnung Stuf GIEL viru stiermeschem Wand aktiv

Den Dënschde verleeft net nëmme naass an iwwerduerchschnëttlech waarm, mee e gëtt och nach e gudden Tick méi lefteg.

Et ass e klengt Déifdrockgebitt, wat am Laf vum Dag vun de britteschen Inselen hier iwwer d’Nordséi an de Norde vun Däitschland eranzitt. Dëst Déif dréit u senger Südsäit e Wand- resp. Stuermfeld mat sech, an dat mir an de nächste Stonne geroden. Et sief awer gesot, dass et sech heibäi ëm en éischter schwaacht Déif handelt, soudass keng wierklech zolitt Wandstéiss ze erwaarde sinn.