D’Grousswiederlag
De Weekend iwwer leie mir zwar ëmmer nach genee tëscht héijem an déiwem Loftdrock, an awer kréie mir e bësse méi eppes vum héije Loftdrock of. Dat bedeit also, dass et en Tick méi dréche gëtt wéi an de leschten Deeg – iwwerdeems eis Temperaturen an engem vill ze waarme Beräich bleiwen.
De Verlaf
De Freide starte mir mat ville Wolleken an den Dag eran, ier et dann vum Mëtten un e bësse manner wollekeg gëtt. D’Sonn ka sech weise kommen, et sollt dobäi dréche bleiwen. D’Temperature packen et op e Maximum vun tëscht 20 a 24 Grad – je no Modell kéint un der Musel och un de 25 Grad gekrazt ginn. De Samsde wiessle sech d’Sonn an e puer méi déck Wolleken of, d’Temperature packen et op e Maximum vun tëscht 19 an 23 Grad. Et gi weiderhi keng Hiweiser op nennenswäert Reequantitéiten. De Sonnde gëtt wuel e méi wollekegen Dag mat manner gudde Chancen op sonneg Momenter, mee et sollt ëmmer nach gréisstendeels dréche bleiwen. D’Temperature klammen op Héchstwäerter vun tëscht 19 an 23 Grad.