Freiden, 11. Mäerz 2022
De Freidemoien ass et kloer bis liicht wollekeg, d’Temperature leien tëscht -2 an 2 Grad a klammen am Virmëtten op tëscht 4 a 7 Grad erop. Et zéien e puer eenzel Wolleken duerch, et reent awer net. Mëttes an am Nomëtte si Maximaltemperature vun tëscht 12 a 15 Grad ze erwaarden, de Wand bléist spierbar bis stramm aus Südosten. An de Spëtzte packt en et mol bis op 50 km/h. Et gëtt ëmmer méi wollekeg, et sollt awer trotzdeem meeschtens dréche bleiwen. Um Owend an an der Nuecht ginn d’Temperaturen op tëscht 3 a 6 Grad zréck, spéiderhi sinn eenzel a schwaach Schauere net ausgeschloss.
Samsden, 12. Mäerz 2022
De Samsdemoien ass et staark bedeckt a plazeweis niwwleg, d’Temperature leien tëscht 4 a 6 Grad a klammen am Virmëtten op tëscht 7 a 9 Grad erop. Et bleift bedeckt mee meeschtens dréchen. Mëttes an am Nomëtte si Maximaltemperature vun tëscht 9 an 13 Grad ze erwaarden, de Wand bléist schwaach bis liicht spierbar aus Süd-Südosten. An de Spëtzten ass e mat 35 km/h ënnerwee. Et bleift meeschtens bedeckt, just mat Chance ass dotëscht mol e sonnege Moment dobäi. Et bleift gréisstendeels dréchen. Um Owend an an der Nuecht ginn d’Temperaturen op tëscht 2 a 5 Grad zréck, et besteet erëm eng kleng Warscheinlechkeet vu vereenzelte Schaueren.
Sonnden, 13. Mäerz 2022
De Sonndemoien ass et staark bedeckt, dobäi si liicht Nidderschléi a Form vu Fisemreen net ausgeschloss. D’Temperature leien tëscht 4 a 6 Grad a klammen am Virmëtten op tëscht 7 a 9 Grad erop. Et bleift onverännert, also meeschtens bedeckt. Mëttes an am Nomëtte si Maximaltemperature vun tëscht 10 a 14 Grad ze erwaarden, de Wand bléist schwaach bis zäitweis spierbar aus Süd-Südwesten. An de Spëtzten ass e mat 40 km/h ënnerwee. Et bleift gréisstendeels bedeckt, mee nach dréchen. Um Owend an an der Nuecht ginn d’Temperaturen op tëscht 2 a 5 Grad zréck, aus Weste fënnt méi groussflächege Reen säi Wee op Lëtzebuerg. An der méi spéiter zweeter Hallschent vun der Nuecht gëtt et schonn erëm méi dréchen.
