Freiden, 04. Februar 2022
De Freidemoien ass et staark bedeckt a gro duerch Niwwel, d’Temperature leien tëscht 4 a 7 Grad a bleiwen och am Virmëtten an dësem Beräich. Fisemreen duerch Niwwel ass méiglech. Mëttes an am Nomëtte si Maximaltemperature vun tëscht 5 a 9 Grad ze erwaarden, de Wand bléist stramm bis stiermesch aus West-Südwesten. An de Spëtzte si bis zu 70 km/h méiglech. Et ass verbreet mat Reen ze rechnen, deen deelweis och méi kräfteg ënnerwee ass. Am Fall vu méi kräftege Reen sinn och méi staark Wandstéiss vu bis ëm 85 km/h net ausgeschloss. Um Owend an an der Nuecht ginn d’Temperaturen op tëscht -1 an 1 Grad zréck, et gëtt méi dréchen. Duerch Nätzt déi fréiert kann et lokal zu glate Stroosse kommen.
Samsden, 05. Februar 2022
De Samsdemoien ass et erëm oft gro duerch Wolleken a Niwwelfelder, d’Temperature leien tëscht -1 an 1 Grad a klammen am Virmëtten op tëscht 1 an 3 Grad erop. Et bleift meeschtens gro, och Fisemreen ass méiglech. Mëttes an am Nomëtte si Maximaltemperature vun tëscht 4 a 7 Grad ze erwaarden, de Wand bléist zäitweis spierbar aus West-Südwesten. An de Spëtzten ass e mat 40 km/h ënnerwee. Et sinn zwar nach eng Partie Wolleken- a Niwwelfelder ënnerwee, mat Chance ka sech awer och d’Sonn dotëscht weisen. Um Owend an an der Nuecht ginn d’Temperaturen op tëscht -1 an 2 Grad zréck, et kommen erëm nei Niwwelfelder a Wolleken dobäi.
Sonnden, 06. Februar 2022
De Sonndemoien ass et staark bedeckt an et reent, d’Temperature leien tëscht 3 a 6 Grad a bleiwen och am Virmëtten an dësem Beräich. Et kënnt weiderhin zu Reen, de Wand ass amgaangen zouzehuelen. Mëttes an am Nomëtte si Maximaltemperature vun tëscht 6 a 9 Grad ze erwaarden, de Wand ass stiermësch ënnerwee a packt et an de Spëtzten op tëscht 70 a 90 km/h. Et reent iwwerdeems och méi laang unhalend, dat och deels méi intensiv. Um Owend an an der Nuecht ginn d’Temperaturen op tëscht 3 a 6 Grad zréck, et gëtt ëmmer méi dréchen an de Wand gëtt och e bësse méi schwaach. Definitiv leeë sollt e sech a Richtung fréie Méindemoien.
