Freiden, 28. Januar 2022
De Freidemoien ass et liicht wollekeg bis hin zu gro duerch Niwwelfelder, d’Temperature leien tëscht 1 an 3 Grad. Am Virmëtten ännert sech net all ze vill dorun, de Niwwel sollt no a no manner ginn. Mëttes an am Nomëtte si Maximaltemperature vun tëscht 3 a 6 Grad ze erwaarden, de Wand bléist schwaach bis zäitweis spierbar aus West-Südwesten. An de Spëtzten ass e mat 30 km/h ënnerwee. Wann de Niwwel fort ass, bleiwen eng Partie Wolleken iwwerëg. Dotëscht ka sech mat Chance d’Sonn kuerz weise kommen. Um Owend an an der Nuecht ginn d’Temperaturen op tëscht 2 a 4 Grad zréck, d’Luucht ass meeschtens zou duerch Wolleken a Niwwel.
Samsden, 29. Januar 2022
De Samsdemoien ass et staark bedeckt a niwwleg, d’Temperature leien tëscht 2 a 4 Grad a klammen am Virmëtten op tëscht 3 a 5 Grad erop. Et bleift gro a niwwleg, Fisemreen ass méiglech. Mëttes an am Nomëtte si Maximaltemperature vun tëscht 6 a 9 Grad ze erwaarden, de Wand bléist spierbar aus West-Südwesten. An de Spëtzten ass e mat 45 km/h ënnerwee. Et bleift gro, vum spéidere Nomëtten u setzt groussflächeg liichte Reen an, deen am Laf vum Owend schonn erëm noloosse wäert. Um Owend an an der Nuecht pendle sech d’Temperaturen tëscht 4 an 8 Grad an, trotz enger Partie Wolleke sollt et dréche bleiwen.
Sonnden, 30. Januar 2022
De Sonndemoien ass et meeschtens gro duerch Wolleken an och e puer Niwwelfelder, d’Temperature leien tëscht 2 a 4 Grad a bleiwen och am Virmëtten op dësem Niveau. Et gëtt mat Chance schonn manner gro. Mëttes an am Nomëtte si Maximaltemperature vun tëscht 4 an 8 Grad ze erwaarden, wann de Niwwel verschwënnt mécht sech d’Sonn alles anescht wéi rar. De Wand bléist schwaach bis liicht spierbar aus Nordwesten, an de Spëtzten ass e mat 30 km/h ënnerwee. Um Owend an an der Nuecht ginn d’Temperaturen op tëscht -1 bis 1 Grad zréck, duerch Nätzt déi fréiert kann et punktuell glat ginn. A Richtung Méindemoie fréi gëtt et schonn erëm e bësse méi mëll.
