Zumols haut um Freiden, 14. Juni 2019, geréit duerch déi momentan Konstallatioun vun der Grousswiederlag eng kleng Konzentratioun u Saharastëbs an eis Géigenden. Erkennen deet een daat, zumols bei gréissere Konzentratiounen, zum Beispill un den Daachzillen, Autosdiecher oder och anere Géigestänn, déi dobausse stinn. E geréngen Undeel vum Saharastëbs setzt sech nämlech um Buedem fest a gëtt réicht beim nächste Reen ewechgespullt. Bei klenge Konzentratioune, wéi et momentan méi de Fall ass, ass den Himmel am Fall vu nëmme wéinege Wollécken liicht dréif resp. huet eng liicht wäisselzech Faarf.
Wéi kënnt ët dann schlussendlëch zum “Bluttreen”? Wa sëch Schaueren entwécklen, geroden och d’Stëbspartiklen- oder Kären an den Entstéiungsmechanismus. Sou kënnt de Stëbs dann mam Reen eroofgefall a verfierwt sëch ë bëssen orangelzech/roudelzech. Am beschte gesäit een ët, wann d’Drëpps op de Buedem trëfft. De Numm ass also méi spektakulär wéi daat, waat ët a Wierklechkeet ass.
Et ass also eigentlech ganz normale Reen, just dass sech, je no Komzentratioun, eng Verfierwung erkenne léisst a sech Partiklen u Géigestänn festsetzen/ofsetzen.
