Den Dag vun haut start mat enger ganzer Partie Wolleken, déi sech méi oder manner bis den Owend esou behapte kënnen. Iwwerdeems besteet eng kleng Warscheinlechkeet vu lokale Schaueren. D’Temperature packen et op e Maximum vun 23 bis 26 Grad. Muer um Dënschde wiessle sech d’Sonn an e puer harmlos Wolleken of, mat 26 bis 31 Grad gëtt et direkt schonn e gudde Krack méi waarm. De Mëttwoch si quasi keng Wolleken ënnerwee, d’Sonn sëtzt um laangen Hiewel. Ze erwaarde sinn héichsummerlech Maximaltemperature vun tëscht 31 a 36 Grad.
Déi zweet Wochenhallschent
An der zweeter Wochenhallschent besteet haaptsächlech um Donneschden d’Warscheinlechkeet vu Nidderschléi, dat duerch eenzel Schaueren oder och mol en Donnerwieder. De Grond: eng Kalfront zitt duerch, dat tendenziell a Richtung Owend/Nuecht op de Freiden. Wéi aktiv dës Kalfront, trotz de Berechnunge, wäert sinn, muss awer ofgewaart ginn. Ier et esouwäit ass, wiessle sech d’Sonn an eng Partie Wolleken of. 32 bis 36 Grad stinn un, deemno wéi ass fläit och mol eng 37 Grad net ausgeschloss. Och de Freide besteet nach eng kleng Schauerwarscheinlechkeet, dat duerch vill Wolleken. 24 bis 29 Grad stinn un.
Fir de Weekend gesäit et dem aktuelle Stand no esou aus, wéi wa mir et de Samsde mat vill Sonn a 24 bis 28 Grad ze di kriiten. Och de Sonnde soll bei 24 bis 29 Grad net vill anescht ausgesinn.
Fazit: eis erwaart eng weider summerlech Woch, an där et viraussiichtlech vill ze dréche bleiwe wäert – trotz der Warscheinlechkeet vu Reen oder lokale Wiederen, déi mir zäitweis wäerten hunn.
