Zumols ufanks der Woch hu mir et mol nach mat e puer méi Wollécken ze dinn, déi zesumme mat der Sonn um Himmel ze gesi wärte sinn. Se wiessle sech of, dobäi besteet just zäitweis eng kleng Wahrscheinlechkeet vun där enger oder anerer Schauer. Wann et naass gëtt, da just enk begrenzt a net flächendeckend. Dat heecht, dass et op de meeschte Plaazen drëche bleiwe wärt.
Um Méinden ass et virun allem bis an de Nomëtten nach e bësse wolléckeg, ier sech d’Sonn am Nomëtten e bësse besser duerchsetze kann. Och wann déi richteg waarm Loftmasse fort sinn, heecht et net, dass et kaal gëtt. Et bleift summerlech zu Lëtzebuerg, dat bei 23 bis 27 Grad. De Wand bléist liicht spierbar bis zäitweis opfälleg aus Nordweste mat Spëtzte vu 40 km/h. An der Nuecht klärt et op, dat bei W£erter déi op 14 bis 6 Grad zréckginn. Um Dënschde kënnt et de ganzen Dag zu engem Sonn- Wolléckemix, dat bei Maximaltemperature vun 21 bis 26 Grad. De Wand areecht nach 35 km/h an de Spëtzten, d’Schauerwahrscheinlechkeet ass nëmme kleng. D’Nuecht op de Mëttwoch gëtt och meeschtens kloer bei 14 bis 5 Grad.
