Schonn gëschter deels zolidd Onwieder
Am Nordweste vun Italien, Süden & Südoste vun Däitschland, an der Osthallschent vun Éisträich, Tschechien, Süde vu Polen an deels och a Slowenien ass et schonn gëschter zu deels schwéieren Onwieder komm. Dorënner war immens vill Reen, deen fir Iwwerschwemmunge gesuergt huet – mee awer och zolitt Stuermstéiss a gréisser Knëppelsteng mat plazeweis 3 bis 4,5 cm am Duerchmiesser. Aus Däitschland ass och e Video vun däitlech méi grousse Steng dobäi.
Schwere Hagelschäden durch die starke Superzelle gestern über Fischbachau im Landkreis Miesbach mit bis zu 8cm Korngröße. Auch weiter westlich gibt es unzählige eingeschlagene Windschutz- und Heckscheiben. Danke an das Vergleichsbild von @amagickhand aus Fischbachau! pic.twitter.com/jSqEvqFrDa
— Unwetter-Freaks (@unwetterfreaks) August 27, 2023
#superzelle Kochel am See OT Ried 😩#Unwetter #hagel pic.twitter.com/xNPusfPjqn
— Dirk_Ga (@dirk_ga) August 26, 2023
Destruction in Milan Italy caused by severe storm August 27, 2023 pic.twitter.com/zI6BAyBzqI
— Servant of Jesus Christ (@Lone_Jah_King) August 27, 2023
Haut sinn d’Balearen drun
Wéi och schonn am Artikel vu virgëschter betount, leien och d’Balearen – inkl. Mallorca – am Risikogebitt. Haut ass et schonn zu markantem Schued komm, wéi dëse Video hei weist:
BREAKING: Severe thunderstorms just moved through Mallorca, Balearic Islands, Spain with very strong winds. There are reports of structural damage. This area is under a Level 3 risk of extremely severe thunderstorms today. pic.twitter.com/LWBccXJn5Y
— Nahel Belgherze (@WxNB_) August 27, 2023
Eréischt vum spéideren Owend un ass op de Balearen mat enger lueser Berouegung ze rechnen, iwwerdeems sech de Schwéierpunkt vum Reen ëmmer méi an de Nordweste vun Italien verzitt. Am äusserste Nordwesten, direkt un der Grenz zu der Schwäiz & Éisträich, sinn de Modeller no bis muer de Moie fréi deels wäit iwwer 100 l/m² méiglech. Zur selwechter Zäit mécht sech e Wandfeld breet, wat sech vu westlech vu Marseille a Richtung Corse zitt.
De weidere Verlaf
Muer um Méinden zitt sech dat besot Wandfeld iwwert d’Corse, Sardinien a Richtung Roum. Iwwert dem oppene Mier si Wandvitessen vun 130 km/h méiglech, och u Land, besonnesch an den Héichlagen, gëtt et immens stiermesch. Iwwerdeems peitscht de Gros vum Reen weiderhin widdert déi italienesch Alpen, wouduerch bis dato viraussiichtlech schonn plazeweis ëm 200 l/m² Reen erofkomm sinn. Et ass mat Iwwerschwemmungen, Bullislawinnen an Äerdrëtsch ze rechnen. Och iwwert der Corse ass mat groussen Zommen ze rechnen.
En Dënschden verlagert sech de Reen nach méi wäit an den Osten. Iwwert den Alpen, Italien an och an der Küsteregioun vum Balkan kënnen zolitt Schliet optrieden, mee net grad esou flächendeckend. De staarke Wandstroum iwwert der westlecher Hallschent vum Mëttelmier bleift weiderhin aktiv.
