Dubai an Abu Dhabi: Kräfteg Donnerwieder suerge fir Iwwerschwemmungen

An de Vereenegten Arabeschen Emirater ass Reen éischter rar, well et e Wüstestaat ass. Vu gëschter Moien u ware kräfteg Donnerwieder um Wierk, déi fir Iwwerschwemmunge gesuergt haten.

An Dubai an och zu Abu Dhabi ass de Reen nëmmen a rare Fäll en Thema – wéi beispillsweis gëschter um Méinden: Kräfteg Donnerwieder ware besonnesch laanscht d’Küst ënnerwee, déi direkt fir gréisser Auswierkunge gesuergt hunn. Plazeweis stung d’Waasser esou héich an de Stroossen, dass een d’Autoe bal net méi gesinn huet. Och de Fluchhafen war iwwerschwemmt. Kuerzzäiteg ware Warnunge vum héchste Niveau aktiv – mëttlerweil gëtt et awer just nach eng Warnstuf giel viru kräftegem Wand fir d’Ëmgéigenden vu Fujairah.

Meldunge vun der Plattform X (deemooleg Twitter) weise gréisser Usammlunge vu Knëppelsteng: