Esouguer Brécke mat ewechgerappt
An Éisträich, besonnesch am Süde vu der Steiermark, war an der Nuecht an zwou Gemengen den Zivilschutzalarm aktiv. Et koum zu gréissere Bullislawinnen an “Murenabgänge”. D’Onwieder betrëfft och d’Géigenden ronderëmt déi slowenesch Haaptstad Ljubljana, d’Baachen zu grousse Flëss goufen. Haiser a gréisser Stécker Land stinn ënner Waasser. Verschidden Autobunnen si komplett iwwerschwemmt, esouguer Brécke si laut Meldungen aus de soziale Medien matgerappt ginn.
Während die Regenfälle weiter anhalten, wird langsam das Ausmaß des gewaltigen Hochwassers in Slowenien sichtbar. Ganze Autobahnabschnitte stehen unter Wasser wie hier die A1 zwischen Celj und Ljubljana, zudem wurden zahlreiche Brücken weggerissen (📷 @DARS_SI, @policija_si) pic.twitter.com/FgOdLeWF8j
— Unwetter-Freaks (@unwetterfreaks) August 4, 2023
Weidert Onheel steet un
De Wiedermodeller no stinn de betraffene Regioune fir déi nächst 24 Stonne weider gréisser Reenzommen un. Am Süde vun Éisträich ass mat tëscht 60 a 90 l/m² ze rechnen. Wa mir eriwwer a Slowenien kucken, dann ass um Grenzgebitt zu Éisträich dovun auszegoen, dass nachemol 60 bis 80, lokal 100 l/m² kënnen zesummekommen.
De Raum Ljubljana a virun allem déi Géigende südlech dovun kréien am meeschten of, do sinn tëscht 100 an 130 l/m² méiglech. Eenzel Modeller, wéi z.B de Super-HD vum Kachelmann, gesi lokal esouguer ëm 150 l/m².