Eng explosiv Wiederlag
Virun engem Joer huet sech en Déifdrockgebitt vum westleche Frankräich a Richtung BeNeLux beweegt an hat dobäi immens waarm, mee och schmeier Loftmassen an eis Géigende bruecht. Zesumme mat enger markanter Wandscherung (Wandrichtungs- & Geschwindegkeetsännerung mat der Héicht) huet en däitlech erhéichte Risk fir Superzellen an och Tornadoe bestanen. De Risk hat sech haaptsächlech op déi nërdlech Mëtt vun Däitschland bezunn, wou sech am Laf vum Dag Superzellen forméiert haten. Eng Superzell war immens dominant an hat op hirem Parcours fir op d’mannst véier Tornadoe gesuergt, dorënner och staarker. Beispiller vun deenen een an de Medien héieren huet ware Paderborn & Lippstadt, wou immens grousse Schued ugeriicht gouf.
(3/6) Westlich von #Paderborn entstand ein weiterer starker #Tornado, der quer durch das Stadtgebiet zog. Zahlreiche Gebäude wurden teils erheblich beschädigt und hunderte Bäume abgeknickt oder entwurzelt. 43 Personen wurden verletzt.
⬇️ Analyse:https://t.co/C4QXLae2LJ pic.twitter.com/dlhpVDT0Og
— Tornadomap.org (@tornadomap_org) May 20, 2023
D’Radarbiller vun deemools vu Lippstadt & Paderborn. Se weisen agelagert Superzellen, duerch déi d’Tornadoen och zimmlech am Reen verstoppt waren. Eng immens geféierlech Variant.
How could forget https://t.co/ZE2NPNiLYx pic.twitter.com/uAFeWz9YXt
— Federico Pavan (@PavanFederico00) May 20, 2023
Och Knëppelsteng esou grouss wéi Tennisbäll goufen observéiert:
Durch den Paderborn-Tornado etwas untergegangen ist übrigens die Tatsache, dass besonders die Superzellen über RLP bis zu tennisballgroßen Hagel produzierten (hier Bilder aus Neuwied). Bilder via @lordjamesk und Hagelanalyse-Tool von @Kachelmannwettr pic.twitter.com/QsbPoNCkse
— Unwetter-Freaks (@unwetterfreaks) May 22, 2022
Och zu Lëtzebuerg war deen Dag tëscht 16:26 an 17:00 eng superzellulär Struktur ënnerwee, déi ausser zolitte Reen a Knëppelsteng awer glécklecherweis näischt bruecht hat. Och bei eis war de Risk fir weideres net null, wéi de Convective Outlook vun deemools weist:
An hei nach d’Verifizéierung vun der Donnerwiederlag duerch déi tatsächlech Meldungen, déi an der European Severe Weather Database (ESWD) agaange sinn. Déi véier ugeschwat Tornadoe befanne sech uewen ënnert dem Rand vum rout markéierte Gebitt, iwwerdeems et och bei Aachen esouwéi nërdlech vu Bielefeld zu Tornadoe komm ass. Déi gréng Dräiecker markéiere Plaze, wou déck Knëppelsteng erofkomm sinn, blo Kreeser si Staarkreen.
