Nodeems an den Deeg virdrun besonnesch d’Alpen am Viséier vun immens zolitten Donnerwieder louch, huet et elo Norditalien & de Balkan erwëscht. Et gëtt vun Doudegen geschwat.
Advertisement
Zolidd Onwieder verlagere sech vun den Alpen an de Balkan
Schonn gëschter hate mir eis iwwer zolitt Onwieder an Éisträich ënnerhalen, wou et plazeweis zu extreemen Orkanstéiss vun 163 km/h a ganz grousse Knëppelsteng komm war. Iwwer 10.000 Mënschen ware kuerzzäiteg ouni Stroum. Dëst war e Méindenowend, mee bis gëschter Owend hat sech d’Aktivitéit méi wäit an de Norde vun Italien respektiv och de Balkan virugeschafft. Do ware virun allem Kroatien, Slowenien, Bosnien a Serbien betraff.
Kroatien a seng Haaptstad Zagreb stiechen besonnesch eraus. Zwou Persoune sinn duerch en immens heftegt Donnerwieder ëmkomm – der Wiederstatioun Zagreb/Pleso no si Wandvitessen vun 115 km/h opgetrueden, mee dem Schuedensbild no huet et sech ganz warscheinlech ëm méi héich Vitessen gehandelt. An de Medien si Wäerter bis 180 km/h ze fannen, mee dat kann ee net zu 100% verifizéieren. Et ass all méigleches duerch d’Géigend geflunn, Haiser goufen ofgedeckt an esouguer e Baukran ass ëmgefall. Fir déi meescht Doudesfäll si Géigestänn verantwortlech, déi op d’Leit gefall sinn. A ganz Kroatie goufe méi wéi 100 Persoune blesséiert.
#Unwetter in #kroatien #zagreb Baukran stürzt ein pic.twitter.com/cK3CH8XIL2
— Goran Majić (@Goran_Majic) July 19, 2023
Hails in Slovenia today
Photo https://t.co/htPcriUrsY pic.twitter.com/r67bMnf0fV
— Zdenek Nejedly (@ZdenekNejedly) July 19, 2023
Zagreb, Croatia pic.twitter.com/VeyFZko3oL
— Danijel Višević (@visevic) July 19, 2023
Zagrebačka priča pic.twitter.com/vJsu8lRLqP
— spigani auzvinkl (@pigani_auzvinkl) July 19, 2023
D’Onwieder huet sech um Owend weider a Richtung Serbien verlagert, wouduerch Bosnien betraff war. D’Bild war dat selwecht: Extreem Wandvitessen mat deels 6 cm grousse Knëppelsteng. Zu Doboj koum et an Zäit vun enger hallwer Stonn méi wéi 30 l/m² Reen erofkoumen. D’Konsequenz waren iwwerschemmt Stroossen.
15 cm déck Knëppelsteng bei Venedeg
Superzellulär Donnerwieder hunn och an Italien hiert Onwiese gedriwwen. Queesch iwwert de Nordoste vum Land verdeelt ware Knëppelsteng vun tëscht 5 an 8 cm erofkomm. Lokal huet d’Natur et missen iwwerdreiwen, esouwéi zu Treviso, nërdlech vu Venedeg – Foten an de soziale Medien weise Knëppelsteng mat Gréisste vun tëscht 10 a 15 cm! Et ass esouguer net als onwarscheinlech unzegesinn, dass nach méi grouss Steng dobäi waren. Fir Europa ass dëst definitiv de Verdacht op e neie Rekord. De Schued duerch déi grouss Steng ass natierlech enorm.
Another GIANT hail report from around Treviso, NE Italy, today, July 19th, 2023. This hailstone could be challenging European records as it appears to be estimated at more than 15 cm. More details are needed. Photo via Tornado in Italia Facebook pic.twitter.com/XWK3Ko05Ir
— severe-weather.EU (@severeweatherEU) July 19, 2023
Grandine..ma quella seria però 💥 pic.twitter.com/bGfPzhWGv9
— Mario ‘e picone (@mimanda_picone) July 19, 2023
Granizo de gran tamaño cayó hoy en Cornuda, provincia de Treviso, en la región del Veneto, Italia 🇮🇹
📹: Bruno Comazzetto
Vía: Tornado en Italia pic.twitter.com/M11Xm5lDxN— 𝑪𝒆𝒏𝒕𝒊𝒏𝒆𝒍𝒂35 (@Centinela_35) July 19, 2023
Dauergeflacker iwwert dem Gardaséi
En impressionnante Video weist d’Dauergeflacker duerch 200-300 Blëtzer an der Minutt iwwert dem Gardaséi. Dëse Video ass keen Zäitraffer.
⚡️ Wow! Real time (!) bliksem vannacht bij het Gardameer in Italië. Misschien wel 250-300 flitsen per minuut, ongekend! Deze video kreeg ik van vrienden die daar op vakantie zijn 👇
Credits: Tatiana Zilessen pic.twitter.com/JyTsz36MpS
— Wouter van Bernebeek (@StormchaserNL) July 20, 2023