Wéi et ze fäerte war, sinn d’Iwwerschwemmungen duerch de ville Reen a Kalifornien plazeweis katastrophal ausgefall. Et ass eng vun de Nidderschlags-räichste Perioden zanter 1877.
Titelbild: Aude Guerrucci, REUTERS
Advertisement
Op d’mannst dräi Persoune gestuerwen
Den US-Bundesstaat Kalifornien erlieft immens zolidd Iwwerschwemmungen, dat well e Sonnden an e Méinde gutt 120 bis 260 l/m² Reen erofkomm sinn. Dem amerikanesche Wiederdéngscht no war et fir déi betraffe Géigenden dat schlëmmst Onwieder vun där Zort zanter op d’mannst 150 Joer. Duerch déi vill Äerdrëtsch, Iwwerschwemmungen a beschiedegt Infrastruktur waren e Méindenowend ongeféier 700.000 Persounen ouni Stroum. D’Leit sollen hir Haiser just am absolute Noutfall verloossen, esou huet et geheescht.
Short recap of a house that was destroyed by a mudslide in the early a.m this morning in Beverly Glen, Los Angeles, CA. Thankfully the house was empty when this occurred. (For licensing contact @LiveStormsMedia ) #californiaflooding #California #Californiastorm #cawx pic.twitter.com/PCGGjrrpw0
— Tanner Charles 🌪 (@TannerCharlesMN) February 6, 2024
UCLA has recorded nearly 12 inches of rain in the last 24 hours, a 1 in 1000-year rainfall rainfall event for Westwood.
A truly unprecedented storm in modern history for the region as an atmospheric river stalls over the region. pic.twitter.com/KA7mnDAloP
— Colin McCarthy (@US_Stormwatch) February 5, 2024
D’Radar-Animatioun weist de Nidderschlag, deen sech iwwer Deeg gezunn huet
Op d’mannst dräi Persounen hunn d’Onwieder net iwwerlieft – dat all Kéiers duerch Beem, déi ëmgefall sinn. Well de Buedem ëmmer nach iwwersiedegt ass, kënne weider Beem instabil ginn an ëmfalen. Duerch de selwechte Grond besteet och elo ëmmer nach de Risiko vun Äerdrëtsch a Bullislawinnen. D’Onwieder war e Sonnden haaptsächlech am Raum San Francisco aktiv an huet sech e Méinde weider op Santa Barbara a Los Angeles beweegt.