Demnächst klammen d'Temperaturen jo, dat ass gewosst. Ier et awer esouwäit ass, war et de Moie nawell zimmlech frësch. Plazeweis ass et och erëm ënnert de Gefréierpunkt zréckgaangen.
Loft- a Buedemfrascht, och glat Stroossen denkbar
An der vergaangener Nuecht war et zimmlech kill, an de fréie Moiesstonne si net nëmmen am Norde Minimaltemperature vu 0 Grad oder drënner erreecht ginn.
Dëst ass d’Top 6 vun de keelste Statioune vun haut de Moien:
- Schëmpech (ASTA): -2,2°C
- Ueschdref(ASTA): -2,1°C
- Breedelt (ASTA): -1,9°C
- Béiwen: -1,6°C
- Useldeng (ASTA): -1,4°C
- Käerch (ASTA): -0,8°C
Donnéeën: Kachelmannwetter, ASTA
Géint 4 Auer de Moien ass per Météo Boulaide App och e Wiederhiweis viru potenziell glate Streckenofschnëtter erausgaangen. Duerch d’Fiichtegkeet um Buedem duerch Niwwel huet e gewësse Risk bestanen. Déi nidderegst Buedemtemperatur ass zu Housen erreecht ginn, dat mat -3,9 Grad. Lues a lues sollt ee sech also Gedanken iwwer Wanterpneue maachen.