Knapp iwwer 40 Grad: An eise Nopeschlänner si weider Allzäitrekorder gefall

Mëttlerweil gëtt et schonn bal schwiereg, fir d’Iwwersiicht ze halen. An eise Nopeschlänner ass et an de leschten Deeg fir weider Allzäit-Temperaturrekorder duergaangen, dorënner a Frankräich, op de britteschen Inselen an och an Däitschland.

England:

De vergaangenen Dënschden sinn zu Coningsby (Lincolnshire) op de britteschen Inselen 40,3 Grad gemooss ginn. De Rekord aus dem Joer 2019, 38,7 Grad, ass also quasi pulveriséiert ginn.

This week’s exceptional #heatwave brought record breaking temperature across the UK 🌡️

Here’s a round up of the latest figures 👇

Quality control of these records is currently being carried out and they will be confirmed in due course pic.twitter.com/wOAmxgOzY6

— Met Office (@metoffice) July 20, 2022

Schottland:

Och a Schottland si nei Rekorder gefall, dorënner och e nationalen Allzäitrekord. Zu Charterhall ass en Dënschden eng Maximaltemperatur vu 34,8 Grad gemooss ginn. Den ale Rekord geet op de 9. August 2003 zréck, deemools huet den Thermometer 32,9 Grad ugewisen.

We just witnessed Scotland’s 🏴󠁧󠁢󠁳󠁣󠁴󠁿 warmest night and hottest day in history.

Floors Castle (Kelso) broke the 35°C mark and destroyed the previous Scottish all-time record by +2.2C (previous record was 32.9°C from August 2003). pic.twitter.com/WDVjlUMTgX

— Scott Duncan (@ScottDuncanWX) July 20, 2022

Lëtzebuerg:

Zu Lëtzebuerg ass et fir kee neie nationalen Allzäitrekord duergaangen. Am wäermste war et zu Ettelbréck an och un der ASTA-Statioun zu Gréiwemaacher mat 38,5 Grad. Och dëst ass ëmmer nach en immens héije Wäert a fir lëtzebuergesch Verhältnisser wäit iwwerduerchschnëttlech. Den Allzäit-Temperaturrekord läit bei 40,8 Grad a gouf deemools de 25. Juli 2019 zu Steesel gemooss.

Frankräich:

Nodeems den 18. Juli 2022 schonn 108 Allzäitrekorder gefall sinn, sinn der en Dënschde nach e puer dobäikomm.

40,4 Grad goufen zu Dieppe gemooss, den ale Rekord louch bei 40,1 Grad a gouf de 25.07.2019 gemooss.

39,9 Grad goufen zu Calais gemooss, den ale Rekord louch bei 38,7 Grad a gouf de 25.07.2019 gemooss.

39,9 Grad goufen zu Le Touquet gemooss, den ale Rekord louch bei 39,3 Grad a gouf de 25.07.2019 gemooss.

39,6 Grad goufen zu Boulogne-sur-Mer gemooss, den ale Rekord louch bei 37,9 Grad a gouf den 31.07.2020 gemooss.

🌡️ Ce mardi #19juillet, #records absolus de #températures max (valeurs à 18h).

🔴40.4°C à Dieppe.
40.1°C le 25/07/2019. Station ouverte en 1949.
🔴39.9°C à Calais
38.7°C le 25/07/2019. Station ouv. en 1991

— Météo-France (@meteofrance) July 19, 2022

Däitschland:

Och an Däitschland ass et um Mëttwoch net fir e neien absolute landeswäiten Temperaturrekord duergaangen, dofir hunn awer verschidde Statiounen hir eegen Allzäit-Rekorder gebrach. Dozou zielt Bad Mergentheim a Baden-Württemberg, wou 40,3 Grad gemooss goufen. Direkt hannendru kënnt Hamburg mat 40,1 Grad (kéint esouguer vum Breetegrad hier déi europawäit héchst Temperatur jeemools gewiescht sinn), Barsinghausen (Niedersachsen) mat 40,0 Grad, Huy-Pabsdorf mat 40,0 Grad, Boizenburg mat 39,4 Grad a Grambek mat 39,1 Grad. Dëst si just e puer Wäerter vun enger ganzer Rëtsch. Den Däitsche Wiederdéngscht muss verschidden Donnéeë nach op Plausibilitéit préiwen, definitiv Wäerter sinn an de nächsten Deeg als Confirmatioun ze erwaarden.

Die Daten eines historischen Wettertages:

4x “die 40”
6x Bundeslandrekord
1x 40 °C auf 53° nördlicher Breite

Ganz wichtig: Es handelt sich um vorläufige, noch ungeprüfte Werte. /V#Hitzewelle #Hitze #Temperaturen #Temperaturrekord #Sommer pic.twitter.com/Pv2SijCEEg

— DWD (@DWD_presse) July 20, 2022