Aus Frankräich kënnt en Donnerwiedersystem eropgezunn, deen heiheem nawell fir eng spannend a knapp Situatioun ka suergen. Haaptsächlech bei eisen direkte Noperen an Däitschland ass de Risk vun Iwwerschwemmungen am gréissten. Dëse Liveticker aktualiséiert sech all Minutt vum selwen.
16.08.2023 – 22:11
Wou ass den Donnerwiedersystem drun, deen den Owend besonnesch de Südosten an Oste vu Lëtzebuerg erwëscht huet? Ma, wéi virausgesot elo bei eisen äitsche Noperen. Genee wéi an der Virwarnung uginn, zitt en elo dem schrafféierte Beräich no. Den Deutscher Wetterdienst (DWD) warnt ënnert dem System viru 25 bis 40 l/m² Reen a kuerzer Zäit, Stuermstéiss bis 90 km/h a Knëppelsteng bis 2 cm am Duerchmiesser.
Stand: 16.08.2023 – 22:00
16.08.2023 – 18:04
Erausginn: Mëttwoch, 16. August 2023 18:04
Gëlteg vun: Mëttwoch, 16. August 2023 18:04
Gëlteg bis: Mëttwoch, 16. August 2023 20:15
Warn-Niveau: 1 / 3
Betrëfft: Lëtzebuerg
De méi reenaktiven Deel vum Donnerwiedersystem iwwerhëlt esou lues d’Haaptroll. Dëst Reegebitt wäert mol nach sécher bis 20:15 Auer an eise Géigenden aktiv sinn. Punktuell si nach Donnerwieder dobäi, ënnert deenen et kann zu Staarkreen, stiermesche Wandstéiss a Knëppelsteng kommen. Doduerch kéint et lokal zu Waasserusammelungen oder klengen Iwwerschwemmunge kommen – nach méi awer duerch den Dauerreen, deen sech elo breetmécht. Dës Warnung gëtt verlängert falls néideg.
16.08.2023 – 17:17
WARNUNG: Donnerwieder
gëlteg bis: 16.08.2023 – 18:10
D’Front ass am Südoste vum Land ukomm a wandert elo laanscht d’Südosthallschent/Grenz zu Däitschland a Richtung Nordosten. Et ass mat stiermesche Wandstéiss bis Stuermstéiss, Staarkreen an eventuell och mol Knëppelsteng ze rechnen.
16.08.2023 – 16:41
WARNUNG: Donnerwieder
Erausginn: Mëttwoch, 16. August 2023 16:28
Gëlteg bis: Mëttwoch, 16. August 2023 18:10
Viraussiichtlech Ukonft un der Grenz: +/- 16:55 Auer
Den Donnerwiedersystem huet Amnéville erreecht a beweegt sech mat sengem kräftegsten Deel op de Südoste vum Land duer, wou en dann viraussiichtlech genee un der L/D Grenz laangzitt. Dobäi kënne Reenzommen vun tëscht 10 an 20 l/m² net ausgeschloss ginn, ënner Ëmstänn méi. Dobäi besteet de Risk vu stiermesche Wandstéiss bis hin zu Stuermstéiss vun tëscht 60 a 85 km/h.
16.08.2023 – 16:08
+++ Nowcast: Kräfteg Zell tëscht Ëlwen a Wëntger +++
Ofgesinn vum System, deen elo bei Nancy ukomm ass, läit tëscht Wëntger an Ëlwen eng méi kräfteg Zell. Et ass net ausgeschloss, dass dës an de nächste Minutten och mol Blëtzentluedunge a kleng Knëppelsteng mat sech bréngt.
16.08.2023 – 15:46
+++ Nowcast: Donnerwieder ënnerwee +++
Den Donnerwiedersystem läit elo bei Bar-le-Duc, Toul, Nancy. Et zitt a Richtung Nord-Nordost-Nordost virun, wat heescht, dass et e gudden Tick méi wäit westlech zitt wéi vun de Modeller berechent. Dëst schéngt de Risk vu warnrelevanten oder eventuell esouguer onwiederaartege Phänomener bei eis am Land an d’Luucht ze drécken, virun allem wat de Süden an d’Osthallschent vum Land betrëfft.
Radar: meteociel.fr
16.08.2023 – 14:46
Erausginn: Mëttwoch, 16. August 2023 14:29
Gëlteg vun: Mëttwoch, 16. August 2023 14:35
Gëlteg bis: Donneschden, 17. August 2023 09:00
Erwaarte Warn-Niveau Lëtzebuerg: 1 / 3
Erwaarte Warn-Niveau Noperen: 2 / 3
En Donnerwiedersystem kënnt aus Frankräich eropgezunn. Wéi beschwat besteet de gréisste Risk fir déi méi kräfteg Phänomener knapp südlech, südëstlech an ëstlech vun eis. En Donnerwieder, wat potenziell warnrelevant kann ausfalen, ass awer och bei eis net ausgeschloss.
An de schrafféiert markéierte Gebitter, wou Lëtzebuerg NET mat draläit, ass de Risk vun Iwwerschwemmungen duerch markante Reen direkt méi héich. Och aner Phänomener, wéi de Wand, kënne méi zolidd ausfalen.
Détail Lëtzebuerg: https://meteoboulaide.com/onwiederwarnungen/
Détail Groussregioun: https://meteoboulaide.com/donnerwieder/
