Zu Paräis an Ëmgéigend ass an de leschte Stonne plazeweis guer näischt méi gaangen, dat duerch Schnéi a veräist Stroossen.
Titelbild: Fotoe via @InfosFrancaises op X
Massiv Stéierungen am Stroosseverkéier
Zu Paräis an Ëmgéigend koum et an der Nuecht duerch Schnéifall zu massive Stéierungen am Verkéier. Op den Autobunnen a Landstroossen goufen 150 Kilometer Stau gemellt. Duerch net all ze grouss Schnéiquantitéiten a veräist Stroossen koum et zu villen Accidenter, eng Partie Stroossen hu misse gespaart ginn.
NEIGE : De nombreux automobilistes ont passé la nuit bloqués sur les routes à l’ouest de Paris, notamment sur l’A13 et l’A12, qui ont été fermées à la circulation. pic.twitter.com/w6N2LdBPYq
— Infos Françaises (@InfosFrancaises) January 9, 2024
Och bis an d’Normandie eran huet et e bësse geschneit.
Ausléiser fir de Schnéi war/ass eng Stéierung a Form vun engem schwaachen Déif, wat de Moment um Wee fir raus op den Atlantik ass. Déi vereenzelt Schnéischaueren an dat Schnéi-Gegrimmels, wat gëschter plazeweis zu Lëtzebuerg opgetrueden ass, ass och op dës kleng Stéierung zréckzeféieren.
Am Laf vum spéideren Owend schéckt eis dës Stéierung op e Neits e puer Wolleken op Lëtzebuerg. Et ass net all ze warscheinlech, mee den een oder anere Modell gesäit erëm e puer vereenzelt a net grouss relevant Flacken op eis duerkommen.