Den amerikanesche Wiedermodell GFS rechent mat genee guer näischt bis un d’Enn vum prognostizéierten Zäitraum. Och den europäesche Modell ECMWF zitt do mat a berechent 0,0 l/m². Den däitsche Modell fiert déi selwecht Schinn, iwwerdeems de franséischen ARPEGE den eenzege vun de 4 ausgewielte Modeller ass, deen iwwerhaapt moossbar Reequantitéite berechent. Tëscht näischt a grad emol 1 l/m² sinn dësem Modell no méiglech – mee awer nëmme, falls eis an der Nuecht vum Freiden op de Samsde déi kleng Schauer erwëscht, déi de Moment berechent gëtt. Dëst ass awer immens onwarscheinlech.
