De FREDERICO deckt Diecher of an dréckt Fënsteren an
De FREDERICO ass zanter de Moien am Weste vu Frankräich ukomm a schafft sech elo weider a Richtung Osten. An der leschter Stonn, also tëscht 14 a 15 Auer, gouf zu Clermont-Ferrand am Département Puy-de-Dôme, e schwéieren Orkanstouss vun 126 km/h gemooss. Genee do ass och dëse Video entstanen:
💨 Le vent atteint 126 km/h à Clermont-Ferrand où la tempête Frederico a arraché une partie de la toiture du lycée Jeanne d'Arc ! (© Jean Bulhon) pic.twitter.com/ZurNyLfwAr
— Météo Express (@MeteoExpress) November 16, 2023
… an och dësen:
Le vent fait même éclater les vitres du tram pic.twitter.com/lFSbmMdGcp
— M. (@M39940130) November 16, 2023
Déi nächst Stonnen
An de nächste Stonnen zitt de Kär vum Randdéif a Richtung äusserste Südoste vun Däitschland, wat heescht, dass en och ganz knapp südlech u Lëtzebuerg laanschtschrammt. Dëst ass awer och kee Problem, well d’Wandfeld vu Stuermdéifer ëmmer e Stéck méi wäit südlech vum Kär nogeschleeft ginn. Eng Stuermgefor besteet bei eis also net, anescht awer fir d’Mëtt vu Frankräich, Deeler vun der Schwäiz, de ganzen äusserste Süde vun Däitschland an eventuell esouguer déi westlech Deeler vun Éisträich.
Am Flaachland ass mat Vitesse vun tëscht 70 an 100 km/h ze rechnen, op de Koppen däitlech driwwer. Wat d’Bierger an den Alpen betrëfft kënnen och mol 150 km/h optrieden, mee dat ass bei Stuermdéifer näischt aussergewéinleches.