En immens staarken Tropestuerm
Op déi rezent Jore bezunn, zielt de BOLAVEN zu deene Stierm, déi sech am séierste konnten intensivéieren. Tëscht dem 9. Oktober 23:00 Auer an dem 11. Oktober 02:00 Auer hat e sech immens séier an e Supertaifun virunentwéckelt. An Tëschenzäit erreecht de Stuerm eng Duerchschnëtts-Wandvitesse vun 285 km/h, an de Spëtzten däitlech méi wéi 300 km/h. Op déi amerikanesch Saffir Simpson-Skala iwwerdroen entsprécht dat engem Hurrikan vun der héchster, fënnefter Kategorie.
De BOLAVEN läit iwwert dem westleche Nordpazifik an ass opgrond vu sengem symmetreschen Ausgesinn op de Radar- a Satellittebiller eng meteorologesch Perfektioun. De momentane Modeller no soll en awer glécklecherweis wärend senger Liewenszäit um Mier bleiwen a keng Gefor u Land ginn. Dëst ass ee Stuerm, dem ee léiwer net wëll begéinen.