Westen vu New York vun immense Schnéimasse betraff
Am Westen vum US-Bundesstaat New York, besonnesch an der Géigend vu Buffalo, sinn de Weekend iwwer bal 2 Meter Schnéi erofkomm. Sëlleg Flich sinn ausgefall an Autoe sinn hänke bliwwen – et gung net méi vill. Grond also, de Noutstand auszeruffen. Wärend dem Schnéischëppen sinn zwou Persoune wéinst Häerzproblemer gestuerwen.
Verantwortlech fir déi extrem Schnéimassen ass de sougenannte “Lake Effect”. Kill Loftmassen aus dem Westen sinn iwwert de vergläichsweis immens kille Lake Erie gezunn. Waarm Loftmasse steige no uewen, iwwerdeems kill Loftmassen no ënnen drécke – well se méi schwéier sinn. Et forméiere sech Wolleken an doropshin Nidderschléi. D’Waasser vum Séi ass also iwwert e limitéierten Zäitraum souzesoen e Schnéi-Generator, dee sträifeweis ëmmer erëm zolitte Schnéifall u Land transportéiert.
Wéi dat ganzt um Wiederradar ausgesäit, gesitt Dir an dësem Tweet:
Crazy 40-hour radar loop of the historic Lake-effect snow in #Buffalo. This is such an amazing phenomenon. #NYwx #LakeEffectSnow #snowfall pic.twitter.com/Kr0z4zhaH0
— Nahel Belgherze (@WxNB_) November 19, 2022