Grousswiederlag: Polar Loftmasse sträifen eis
Vun haut bis e Samschde selwer wäert sech nach net all ze vill doen: En Déif virun der Küst vu Portugal a Spuenien transportéiert mëll bis waarm Loftmassen aus dem Mëttelmierraum an eis Géigenden. E Sonnden awer zitt sech den Déifdrockafloss weider op den Atlantik zréck, wouvun en Héichdrockgebitt iwwert dem skandinavesche Raum wäert profitéieren.
Zur selwechter Zäit läit en Déifdrockgebitt iwwert dem Norde vun der Ukrain – an zesumme suergen dës zwee Gebitter dofir, dass e Schwall mat polare Loftmassen Deeler vun Osteuropa fluten, inklusiv och engem gudden Deel vun Däitschland. Och zu Lëtzebuerg kréie mir dat ze spieren, mee awer net esou intensiv.