Vun haut den Owend (Freiden) un gëtt et aus Westen erëm no a no méi wollekeg, virun allem a Richtung fréie Samsdemoie ka schwaache Nidderschlag net ausgeschloss ginn.
Samsden, 08. Oktober 2022
De Samsdemoien ass et zimmlech wollekeg, d’Temperature leien tëscht 6 an 8 Grad a klammen am Virmëtten op tëscht 7 an 11 Grad erop. Et bleift zimmlech bedeckt, genee wéi och moies fréi ass geréngfügege Nidderschlag net ausgeschloss. Mëttes an am Nomëtte si Maximaltemperature vun tëscht 12 a 16 Grad ze erwaarden, de Wand bléist schwaach bis liicht spierbar aus Nordwesten. An de Spëtzten ass e mat 35 km/h ënnerwee. Et gëtt no a no manner wollekeg an d’Sonn ka sech besser weise kommen. Um Owend an an der Nuecht ginn d’Temperaturen op tëscht 1 a 4 Grad zréck, den Himmel ass kloer bis liicht wollekeg.
Sonnden, 09. Oktober 2022
De Sonndemoien ass et kloer bis liicht wollekeg, eenzel Niwwelfelder si méiglech. D’Temperature leien tëscht 1 a 5 Grad a klammen am Virmëtten op tëscht 7 an 11 Grad erop. D’Sonn weist sech, nodeems méiglech Niwwelfelder verschwonne sinn. Mëttes an am Nomëtte si Maximaltemperature vun tëscht 14 an 18 Grad ze erwaarden, de Wand bléist schwaach bis liicht spierbar aus Ost-Südosten. An de Spëtzten ass e mat 30 km/h ënnerwee. Den Himmel ass kloer bis liicht wollekeg. Um Owend an an der Nuecht ginn d’Temperaturen op tëscht 3 a 7 Grad zréck, den Himmel bleift gréisstendeels kloer.
