Den Donneschdemoien ass et schonn zimmlech bedeckt, d’Temperature leien tëscht 10 an 12 Grad. Lokal si schonn déi éischt Schauere net ausgeschloss, d’Warscheinlechkeet fänkt awer virun allem vum Virmëtten un un, an d’Luucht ze goen. D’Temperature klammen op tëscht 13 a 16 Grad erop. Ëmmer erëm ass mat Schliet ze rechnen, déi punktuell och méi kräfteg kënnen ausfalen. Mëttes an am Nomëtte bleift dat weiderhin de Fall, och Donnerwieder kënnen drënner sinn. Um fréie Mëtte ginn tëscht 12 an 18 Grad erreecht, ier et fir de Nomëtte schonn erëm zréckgeet. A Richtung spéidere Nomëtten an Owend sollt sech d’Aktivitéit/de Risk lues a lues aus eisem Land erausbeweegen. Um Owend an an der Nuecht ginn d’Temperaturen op tëscht 5 a 9 Grad zréck, déi lescht Nidderschléi beweege sech aus eisem Land eraus.
12° bis 18°C
15 km/h 
35 km/h WSW
3 – 15 l/m²
80 %
5° bis 9°C