D’Situatioun
Nach ass et zimmlech roueg dobaussen, mee dat wäert sech an de nächste Stonnen änneren. An der Nuecht op muer, en Dënschden, wandert en Déifdrockgebitt mat sengem Kär vun de britteschen Inselen aus op d’Nordséi. Duerch dës Beweegung gëtt groussflächegen a markante Reen op Lëtzebuerg gelenkt. Hannert dësem Déif zitt e weidert Déif en änleche Lafwee, just e bësse méi wäit südlech – dëst bedeit eng weider Luedung Dauerreen fir Lëtzebuerg, duerch déi akkumuléiert gesinn warnrelevant Zomme kënnen optrieden.
Och hannert dëser Front wäert et viru reenen, just méi a Form vu Schaueren. Dës kënnen awer ëmmer nach kräfteg ausfalen, esoudass vun elo bis an d’Nuecht op den Donneschden uerdentlech eppes u Waasser zesummekënnt.