Modellkaarte mat méi wéi 200 l/m² Reen an Zäit vu 24 Stonnen
Fir Deeler am Südoste vu Frankräich stinn ongemittlech Stonnen un: duerch eng Épisode Méditerranéen sinn am Dräieck Toulouse, Lyon a Nice grouss Reequantitéiten ze erwaarden, an dat just an Zäit vu 24 Stonnen. Den héichopléisende franséische Modell AROME ass immens offensiv ënnerwee a berechent bis an de Samsden eran Quantitéite vu bis zu 230 l/m².
Den däitsche Modell ICON gesäit fir déi selwecht Géigend an esouguer fir en Deel vun der äusserster südwestlecher Schwäiz Quantitéite vun tëscht 40 an 100 l/m². De meeschte Reen soll an der Groussregioun Langogne optrieden, dat mat bis zu 205 l/m².
Och de franséischen ARPEGE ënnersträicht d’Gefor duerch eng immens naass Period, dat och erem an enger Sträif vu knapp nërdlech vu Montpellier bis bal erop op Lyon a vun do aus weider a Richtung Italien a Schwäiz. Bis ëm 180 l/m² gi bis an de Samsdenomëtten era berechent.
Wéi et bei dësen Episoden esou üblech ass, ass mat Iwwerschwemmungen an och gréisserem Schued ze rechnen.